Busturialdeko Hitza

Gatibuk disko berria kaleratuko du azaroan

Kultura Baga-Bigarekin argitaratuko du hirugarren diskoa: `Laino guztien gainetik, sasi guztien azpitik.

egoitz atxikallende

Gatibuko gernikarrek hirugarren diskoa kaleratuko dute azaroan, `Laino guztien gainetik, sasi guztien azpitik´ izanekoa. Uztailaren 28an hasiko dira grabatzen Muxikako `La casa de Iñaki´ estudioan. Grabaketa Iñaki Uoho musikari eta teknikariak zuzenduko du.

Abuztuaren 2an `single´ berriaren bideoklipa grabatuko dute ipar Euskal Herrian. Disko berria, taldearen hirugarrena, azaroaren hasierarako egongo da kalean.Guztira hamar abesti berri aurkeztuko ditu taldeak.

Gatibuk eta Baga-Biga disko-etxe eta `management´ enpresaren arteko akordioa tarteko kaleratuko dute disko berria.

Estreineko kontzertua

Lan berriaren aurkezpena Durangoko Plateruena Kafe Antzokian egingo dute, abenduaren 7an. Kontzertua Durangoko Euskal Liburu eta Disko Azokaren testuinguruan emango dute.